منقول للامانه
السلام عليكم
انا حبيت اشاركم الفرحه واقولكم علي شويه حاجات بننساها واحنا رايحين الكوافير في اليوم التاريخي ده علي راي خطيبي
بس قبل اي حاجه دعوة حلوة كده منكم بان ربنا يصلحلي الحال انا وخطبيبي ويسرلنا امورنا ويجعلنا ازرواج صالحين
يالا نبدا
ان شاء الله قبل فرحك باكام يوم تحضري الشنطه دي معاكي لانك اكيد هتنسي تحضري حاجات وتاخديها وانتي مستعجله
شوفي يا ست البنات
تاخدي معاكي فوطه صغيرة وصابونه وحته قطن مش كبيرة اوي ومش مصغيرة قد كف الايد مثلا.
فرشه الاسنان والمعجون ويفضل يكون معجون مبيض في المرة دي عشان ضحكتكك تبقي منورة ونصيحه ابقوا هاتوا كام وصفه كده لتبيض الاسنان.
شاحن موبيلك
.
توكه للشعر حلوة عشان ان شاء الله اول متفكي طرحتك تلاقي حاجه منورة في شعرك اكسسوار بسيط
.
مناديل ورق ومناديل معطرة مبلله ويبس
.
في اكياس كده بتكون لغطاء التواليت عشان لو حبيتي تعملي بيبي في الكوافير مستعمليش بتاع حد غير وينقلك عدوي لاقدر الله يوم فرحك بتباع في محالات 2ونص
.
وطبعا اللبس اللي هتلبيسه الابيض بتاعك والفستان ولو ايجار ومستلمتيهوش لسه تتاكدي من وصله الاستلام في شنطتك ولا لآ البرا والبنتي ويفضل بيقوا بكيني خاصه البنتي وبنتكور تليسبه تحت الفستان عشان الجيبونه متشكيش وتبقي قاعده مرتاحه والصندل او الجزمه بتاعك لو هتلبسي شراب يبقي شراب كرستال
لوهتركبي عدسات تااخدي معاكي محلول وقطه معقمه للعين او بديل دموع عشان لو عينك احمرت
.
المانيكر او اشكال لاظافرك اللي بتلزق دي
.
دبابيس ابره ومشبك ابرة وخيط
.
وطبعا اهم حاجه تاخدي معاكي مجموعه معطرة (برفيم - بودرة تلك - كريم مرطب - مزيل عرق) كلهم بريحه واحده وتكون ريحتهم قويه عشان تبان
.
وشنطه كبيرة وشيك تحطي فيها كل الحاجت دي لما تخلصي وتكفي الكيس بتاع الفستان وكيسه صغيرة كده شيك تاخدي فيها شاحن موبيلك ومجموعه البرفيم معاكي شقتك عشان شكلنا ميبقاش وحش واحنا خارجين من الكوافير
.
التل بتاع الطرحه لو مش موجود فى الكوافير ولو اى اكسوار لو حلق او كوليه برده لو موجود فى الكوافير و البطاقه لان فى كوفيرات بيطلبوا البطاقه لما يطلعو اكسسورات من عندهم
.
وكده انا خلصت لو ناسيه حاجه حد يفكرني
وطبعا الحاجات دي اللي يشوف انه مش في حاجه مش مهمه مياخديها بس ده من واقع تجاربي مع اصحابي اللي الفستان يتنتش منها اللي تحتاج دبوس للجيبونه حاجات بسيطه بتعكنن علي الواحد وتخليه يضايق مع انها مش هتبان وان شاء الله هنكون زي القمر كلنا
دعوة حلوة ولو عجبك قيمي معجبكيش ادعي بظهر الغيب حتي من غير رد ان ربنا يصلحلي الحال ويسيرلي جوازتي ويارب متتاجلش تاني